Onderste trappe van die hel

Ons bid dat ons onse HERE Jesus Christus beter sal leer ken en dat ons met groter begrip hier uit sal gaan ... vir die diepte van die lyding wat Hy namens ons ervaar het. Teks: Mat 27:39 En die verbygangers het Hom gesmaad 27:41 En so het ook die owerpriesters saam met die skrifgeleerdes en ouderlinge gespot 27:44 En op dieselfde manier het die rowers wat saam met Hom gekruisig was, Hom ook beledig. Heidelbergse Kategismus Sondag 16 Vraag 44: Waarom volg daar: “ en neergedaal het na die hel?” Antwoord: Sodat ek in my swaarste aanvegtinge verseker kan wees en myself volkome kan vertroos dat my Here Jesus Christus my van die hel se benoudheid en pyn verlos het. Hierdie verlossing het Hy bewerk deur sy onuitspreeklike angs, smarte en verskrikking wat Hy ook aan sy siel deur sy hele lewe, maar veral aan die kruis gely het. position: 712