Jesus bring lewende water

Dogter van Samaria, dors jou siel na God? Dis die vraag! Dis ook die vraag vir ons hier vandag,  mede-putgrawers en mede-pendelaars. Bo en behalwe jou aardse dors, het jy nie ook ‘n sieledors nie? Soos aardsvaders Abraham Isak en Jakob  was ons voorouers watersoekers, was ons voorouers putgrawers en dorslandtrekkers ...  Maar ook ons ... ons geslag  wat met lopende krane groot geword het ... vir ons is skoon water  lank nie meer ‘n vanselfsprekendheid nie ... Baie van ons koop ons water nou  ten duurste in die supermark ... Ons water drink ons vir geld  so sug die profeet Jeremia ook in sy Klaagliedere ...  

Bron: Lees: Joh. 4:1-14 

Teks: Joh. 4:13,14 Elkeen wat van hierdie water drink,  sal weer dors kry,  maar elkeen wat drink van die water  wat Ek hom sal gee,  sal in ewigheid nooit dors kry nie,  maar die water wat Ek hom sal gee,  sal in hom word ‘n fontein van water  wat opspring tot in die ewige lewe. Tema: Jesus Christus bring lewende water 

Psalms: 107:1,4; 107:7,10; 42:1,6; 84:3,6 

Opnamedatum: 2025 04 06