109) God gee meer as wat ons vra

Bron: Lees Deu 3:23-29; Luk 9:28-36 

Teks Deu 3:25: Laat my tog oortrek en die mooi land sien wat oorkant die Jordaan lê, daardie goeie bergland en die Líbanon! 

Tema: Die Here gee baie meer as wat ons vra 

Psalms:72:1,2; 72:3,4; 103; 1,2; 3,4; 72:10,11 

Agtergrond tot die preek: Mag ek meer van die Here vra as wat Hy my gegee het, of moet ek in alle opsigte tevrede wees met wat ek het? Ek moet tevrede met my plaas, my huis, my vrou, my kar, my os en my esel … Dankie sê vir lewe en gesondheid, die kos op my tafel, die dak oor my kop.  Ek moet vergenoeg wees met die Here se seëninge. Laat ons hulle tel!