God het ek lief! Klokkespel

Elke dag speel die kerkklokke van die Gereformeerde Kerk op Burgersdorp die wysie van Psalm 116. Die klokkespel word moontlik gemaak deur ratte wat in samewerking met 'n aantal klokke, elk met sy eie hammer die klank voortbring, wat dan oor die hele dorp weergalm. Op die wyse word elke gelowige daagliks daaraan herinner dat ons dankbaarheid teenoor die Here verskuldig is. Hy is immers die God wat ons in die woorde van Psalm 116 "keer op keer" red.