UIt diep van Donker Nagte: Gesig van die Martelare (Openbaring)

Een van die aangrypendste tonele in die gewilde Reformasie 500 teater-in-die-rondte produksie, Uit Diep van Donker Nagte, is die toneel uit Openbaring: Gesig van die Martelare. Hierdie is 'n kort uittreksel uit die DVD, wat tans op versoek weer beskikbaar is. Met teater-in-die-rondte effek word die gehoor midde-in die Hervormingstryd geplaas wat hom afspeel net na die Middeleeue. Die produksie is sover moontlik 'n korrekte weergawe van werklike geskiedkundige gebeure. Enkele karakters is denkbeeldig, maar die omstandighede waarin hulle geplaas word, is lewensgetrou. In die styl van die klassieke Griekse teater lewer die spreekkoor kommentaar op die gebeure. Grootskermprojeksie van Middeleeuse grafiese kuns verhoog die dokumentêre inslag van die produksie. Ontmoet bekende leiersfigure, rolspelers tydens die Reformasie: Luther, Calvyn, die moedige De Bres, 'n kleurvolle Tetzel, die oppervlakkige koninklike huis van Frans 1, die sluwe regentes, Katharina de Medici, (meesterbrein after die bloedbruilofkomplot), asook die magsbehepte Slagter van Vassy, wat self sy oog op die koninklike troon gehad het. Die DVD kan bestel word by Musiek gebruik in hierdie videosnit: Komposisies van Henning Dafel Viool: Cathy Dafel position: 323