Wie dra wie?

Jes 46 Ds Gustav Opperman GK Rooiwal @WoordeuitsyWoning

Namate die oujaarsdag wink, so word die voete al hoe swaarder. In baie opsigte was dit ’n rowwe jaar . Vir baie raak die probleme onoorkomendlik in hierdie wêreld met sy bedrukte ekonomie, in hierdie land met sy korrupte regering. En dan is daar ook u en ek. Elkeen van ons met sy eie bedrukte en korrupte lewe! Ons slaan ons oë op na die berge. Waar sal ons hulp vandaan kom? Woordverkondiging: Jes 46, ds Gustav Opperman, GK Rooiwal.

Die duiwel, die Satan en die owerste van hierdie wêreld kom ons te hulp ... Hy snel ons eintlik te hulp ... Hy bied homself aan as ’n vriend in nood En hy stel ons voor aan die afgode ... sy gewillige helpers ... Die vraag is net: Wie dra vir wie ? Dra die afgode ons, of dra ons die afgode?

Bron: Lees Jes 45:20-46:10

Teks Jes 46:3,4: Luister na My, o huis van Jakob en die hele oorblyfsel van die huis van Israel, julle wat deur My gedra is van die moederskoot af, opgeneem is van die geboorte af; en tot die ouderdom toe is Ék dieselfde, ja, tot die grysheid toe sal Ek julle dra; Ék het dit gedoen, en Ék sal julle opneem, en Ék sal dra en red.