92) Oorwin ten spyte van! (Volledige Erediens

Ps 44,Rom 8) Ds Gustav Opperman @WoordeuitsyWoning

Bron: Psalm 44. Romeine 8:35-39

Teks Rom. 8:36,37 Om U ontwil word ons die hele dag gedood, ons is gereken as slagskape. Maar in al hierdie dinge is ons meer as oorwinnaars deur Hom wat ons liefgehad het. Tema: slagskape wat oorwin Psalms: 146:1,2,3; 146:4,6,8; 42:1,3; 42:5,7 Agtergrond tot die preek: Soos ons as gemeente leef, is daar dae dat ons geliefdes aan die dood moet afstaan. Ouer lidmate, maar ook jongeres, soms sommige nog bloedjonk. Ja, daar kom dae dat ons as gelowiges ons oë hemelwaarts rig, wanneer die teenspoed ons tref, wanneer ons die rampe ervaar. Ons rig ons oë hemelwaarts en ons vra: Hoekom? Waarom?